Enquisas de Avaliación

Rematamos a avaliación da proposta cunhas enquisas para as aulas e para o profesorado. Os resultados acadados foron excelentes. Nas aulas todo o alumnado valorou positivamente o achegamento ás nosas Mulleres Imprescindibles.

 

O profesorado participante tamén se amosou moi satisfeito.

Última actividade de Donas de Si

A última actividade que desenvolvemos este curso a través do Programa, foi a presentación de Coralia e Maruxa Fandiño Ricart á Aula de Maiores da Biblioteca Ánxel Casal. Esta presentación fíxoa o alumnado de 4º de Educación Infantil, cuxas aulas levan os seus nomes. Ademais recitaron xuntas e xuntos diferentes textos poéticos de tradición oral, de Rosalía de Castro e de Helena Villar.

 

Formación

 

Coa achega económica pola participación no Plan Proxecta +, decidimos desenvolver un obradoiro: Educando en igualdade. Elas tamén crean o mundo, impartido por Feitoría Verde. Esta proposta terá ademais continuidade ao empezar o curso xa que no noso Plan de Convivencia, constatouse que o o 70,8% do persoal docente “considera que necesita máis formación en convivencia, educación emocional e en igualdade”.

 

A xogar!

Ademais de poder poñer a proba os nosos coñecementos sobre as Mulleres Imprescincibles cos cuestionarios; tamén podemos divertirnos xogando coa baralla de cartas ou coas fichas do xogo de memoria! Estes materiais foron elaborado a partir do que descubrimos e aprendemos sobre as nosas grandes mulleres.

Preme nos xogos para poder acceder á versión impresa:

Para afondar un pouco máis

Dentro da proposta de actividades, e tamén a modo de avaliación, formulamos uns retos e unhas cuestións para que o alumnado puidese afondar un pouquiño sobre algúns aspectos relacionados con estas Mulleres Imprescindibles da vida de Compostela.

Para poder descubrir as cuestións que propoñemos, premede nas imaxes:

Cuestionario Donas de Si

Presentamos o cuestionario que elaboramos para comprobar que tiñamos adquiridos uns coñecementos básicos sobre as nosas Mulleres Imprescindibles.

Para completalo, só hai que premer na imaxe e responder!

Bravxs de Compostela

Inspirámonos no traballo da Universidade de Vigo, Bravxs:ilustracións de mulleres científicas, investigadoras e inventoras, onde, a través de carautas ilustradas, se lles dá visibilidade a mulleres do mundo da ciencia poñendo en valor as súas achegas e descubrimentos. Nós tamén quixemos ter ás nosas Bravxs de Compostela! Que, por suposto, veñen sendo as nosas Mulleres Imprescindibles da vida de Compostela!

Podes ver as imaxes que ocupan os corredores do noso centro e descubrir as súas biografías premendo en cada imaxe:

 

                    Encarna Otero                                    Helena Villar

                       Margarita Ledo                                Maruxa e Coralia

   

                 Ramona Vaamonde                               Verónica Boquete